A CIG-Saúde da Mariña denuncia que “o hospital queda das tres escasas prazas que ten dotadas, cun só especialista en cardioloxía”.
“Unha vez máis, a causa é a nefasta xestión desta dirección, provocando traslados e ingresos de pacientes da Mariña ao HULA por falta de especialistas, a máis de 100 Km, e arrastrando con eles as súas familias”, denuncian.
Dende CIG Saúde A Mariña explican que “cun só un cardiólogo é imposible atender a consulta diaria, os ingresos na planta, ou atender urxencias”, polo que o Hospital da Mariña “só asumirá 4 pacientes ingresados de cardioloxía, a partires de aí son trasladados e ingresados no HULA”.
Así mesmo, din que os pacientes cun episodio cardiovascular agudo e que precisan dun cateterismo, “derívanse a Hemodinámica no HULA e xa quedan ingresados en Lugo por falta de especialistas na Mariña”.
Tamén haberá un aumento das listas de agarda para a realización de probas diagnósticas, en consultas de revisión imprescindibles, en primeiras consultas para diagnosticar. Inasumibles e vergoñentas, que multiplicarán as que xa había até o de agora.
RESCATAR A SANIDADE PÚBLICA.
“Atopámonos con menos e peores servizos, máis derivacións e ingresos no HULA de pacientes da Mariña, máis listas de agarda e a imposibilidade de garantir una sanidade digna e de proximidade aos mariñaos e mariñás”, sinalan.
Para a sindicato nacionalista galego “é fundamental rescatar a sanidade pública galega para garantir un servizo básico de calidade e proximidade”, conclúen.
