Os campionatos de baristas e de cata de cafés do IES de Foz celebraranse nas instalacións do centro esta semana, de mércores 21 ao venres 23. Haberá participantes de 18 escolas de hostalaría de diferentes comunidades autónomas.
Esta nova edición, a decimo sexta, contará coas escolas de Madrid, Burgos e Navarra e arrancará o día 21 ás 17.00 horas co XVI Campionato Internacional de Baristas e o XI Campionato Internacional de Cata de Café. Ás 20.00 horas será a entrega de premios e o cóctel de benvida.
Na xornada do xoves 22, o Campionato de Baristas de Escolas comezará ás 9.00 horas, e ás 13.15 horas será a entrega de premio Espíritu barista, e os trofeos e diplomas.
O venres 23 será o Campionato Internacional de Baristas Profesionais comezará ás 9.00 horas, e ás 14.00 horas será a entrega de premio Espíritu barista, e os trofeos e diplomas.
Ademais o público poderá degustar diferentes cafés na KahvehVAN, a furgoneta que estará aparcada diante do salón de actos, onde cada torrefactor levará o seu barista profesional.
