O Concello do Corgo organiza o vindeiro luns día 12 de febreiro a súa festa do Entroido. A cita será no pavillón municipal do concello de 13.30 a 20.00 horas e está dirixida a todas as idades. Haberá inchables, xogos, música e un desfile de disfraces con vales de premios por categorías aos máis orixinais e creativos.
O desfile comezará a partir das 18.00 horas, pero as inscricións poderán facerse a partir das 16.30 ho pavillón. Os disfraces poden ser tanto individuais coma en grupo. A rapazada de entre 3 e 6 anos, 7 e 10, de 11 a 14 e as comparsas entran nas categorías que optan a premio, pero o desfile está aberto a calquera idade. Haberá lambetadas e chocolate con churros de balde para os disfrazados.
