O Concello de Lugo informa de que este xoves, 1 de febreiro, procederá a cortar durante a mañá o servizo na Rede Municipal de Subministración de Auga na rúa Mazaira, marxe esquerda da rúa Juana La Loca dende a Rúa Ciruelo ata a Rúa Flor de Lirio, na rúa das Pías e na rúa Ciruelo.
A brigada de augas estima que o servizo quedará restablecido esta mesma xornada. O Concello pide desculpas á cidadanía afectada polas molestias que lles ocasione este corte de auga.
Ademais, debido a unha avaría, o servizo tamén permanecerá cortado durante na parte esquerda da rúa Nicomedes Pastor Díaz e rúa Lopo Lías. Para poder realizar as tarefas de reparación haberá que realizar cortes puntuais de tráfico por parte da Policía Local e que afectarán á intersección entre a rúa Miguel de Cervantes e a rúa Nicomedes Pastor Díaz, que é a zona na que se localizou a avaría.
Mentes se manteña a auga cortada, a veciñanza dispón dun punto de recollida de auga diante do número 14 da Rúa Nicomedes Pastor Díaz. A brigada de augas estima que o servizo quedará restablecido esta mesma xornada.
