Cinco locais da praza do Campo inaugurarán unha Ruta do Cocido por (E)TAPAS, que conta coa colaboración de Lugo Monumental. Ata o día 17 de marzo, A Adega, Santuario de Magnus, Restaurante Antas, 101 viños e Orixe do Campo impulsan unha ruta que permite degustar cinco diferentes tapas de cocido.
Os locais ofrecen a mesma base (verdura, pataca e garavanzo) e cada un deles unha carne distinta. Cada tapa terá un custo de tan só 3 euros e os clientes que proben as tapas dos cinco locais poderán participar nun sorteo. A orixinal iniciativa de cinco locais da Praza do Campo converterá esta simbólica localización da cidade no punto central da ruta.
Ademais, os clientes poderán participar nun sorteo con diferentes premios. O primeiro consiste nunha visita guiada a unha adega da Ribeira Sacra, o segundo recibirá un lote de cervexas e o terceiro un lote de viños. Para poder participar no sorteo, os clientes deberán obter un folleto da ruta, dispoñible nos cinco locais, e selalo en cada un deles ao consumir a tapa. Só se aceptarán para o sorteo os folletos que conteñan os cinco selos.
