O municipio de Portomarín celebra a súa festa de Entroido os días 11 e 13 de febreiro. A xornada do domingo comezará ás 17.00 horas na praza do Camiño. Ata ás 19.00 horas haberá inchables de balde para todos os nenos e nenas que queiran achegarse.
Xa o martes, os veciños e veciñas poderán gozar de música, desfile e moitos premios. A partir das 16.30 horas o Dj Nico Vázquez será o encargado de amenizar a tarde. O cconcurso e desfile de disfraces comezará ás 17.00 horas e a entrega de premios será a partir das 19.00. Os premios divídense en tres categorías: comparsa, parellas e individual. O gañador dos grupos farase con 200 euros e o premio para o que quede en segundo e terceiro lugar é de 150 e 100 euros respectivamente.
No caso das parellas, son 100 euros para o vencedor e 75 e 50 para os que ocupen a segunda e a terceira posición. Por último, os premios na categoría individual van desde os 75 euros para o que resulte gañador ata os 50 e os 25 euros para os que queden en segundo e terceiro lugar. No caso de choiva, todas as propostas trasladaranse ao pavillón municipal.
