O municipio de Portomarín celebrou esta fin de semana a súa festa de Entroido. Os máis pequenos do concello foron os grandes protagonistas da cita do domingo na que gozaron de inchables de balde. A programación continou o martes, xornada na que toda a veciñanza puido gozar da música, do desfile e de sorteos.
O Dj Nico Vázquez foi o encargado de amenizar a tarde e dar paso ao tradicional concurso e desfile de disfraces, a través do que se entregaron premios divididos en tres categorías: comparsa, parellas e individual.
