O sábado 6 de abril, volverá celebrarse a Ruta BTT do Club Ciclista Terra Chá, que recupera a súa data habitual durante a Feira do Queixo San Simón da Costa.
Para este 2024 a organización ten preparado un traxecto inédito nun 90% e contará con tres distancias e niveis de dificultade de 60, 50 e 37 quilómetros e que percorrerán os concellos de Vilalba, Muras e Xermade.
Como outras novidades, este ano cámbiase un pouco o formato e sairase ás 11:00 horas desde a Praza da Constitución, durante a celebración da feira.
Aqueles que participen contarán con abundantes avituallamentos, servizo médico, servizo de asistencia mecánica en ruta feito por @laclasicalugo, e petiscos para comer á chegada.
Para rematar o día, como opción, todos aqueles que o desexen, poderán asistir á cea no Restaurante Montero, a partir das 20:30horas.
As inscricións abríronse este luns, 19 de febreiro en CCnorte.com
