O programa Xunt@s chega a Nete, en Vilalba. Trátase dunha iniciativa impulsada pola Deputación de Lugo que, da man dos municipios da provincia, busca contribuír ao envellecemento activo no rural a través de actividades gratuítas de lecer e formación.
Nesta ocasión será unha charla sobre prevención de enfermidades cardiovasculares, terá lugar o martes 5 de marzo, ás 17.00 horas, na Escola de Nete. O relatorio estará a cargo do doutor José Manuel Vidal Ameijide, médico do Servizo Galego de Saúde.
Son xornadas dirixidas a toda a poboación maior de idade.
