Bo arranque de tempada para os piragüistas da cidade nas augas do Guadalquivir. O Club Fluvial de Lugo logra un resultado histórico no Campionato de España de Inverno, no que estaban inscritos un total de 1.294 palistas. Os lucenses suben ao podio cun terceiro posto na clasificación por clubs e un segundo na categoría sénior.
Outro dos deportistas do club que se subiron ao máis alto do medalleiro foi Nicolás Martínez, que levou o ouro na categoría júnior. O LIV Campionato de España de Inverno de 5000 metros nas categorías Júnior, Sub 23 e Sénior en barcos K1 e C1 disputouse ao mesmo tempo que o XXII Campionato de España de inverno Master para os veteranos entre 35 e 79 anos A competición, que supón a primeira gran cita do calendario de pista da tempada, celebrouse durante dúas xornadas en Sevilla.
