A Escola Deportiva Shihan non para de colleitar éxitos. Despois de subir ao máis alto do podio no Campionato Galego Infantil e obter con 29 medallas, un dos seus deportistas acaba de ser distinguido a nivel autonómico. Trátase de Roque Mazoy que obtén o recoñecemento de Deportista Galego de Alto Nivel. Mazoy é o actual Subcampión de España en Kumite Junior -61 kg, ademais de contar no seu currículo con numerosas medallas nas Ligas Nacionais de karate.
O Diario Oficial de Galicia recoñeceu este ano aos seus deportistas de alto nivel, alto rendemento e rendemento deportivo de base de Galicia fixando un récord, xa que os que reciben esta distinción superan o milleiro, ao alcanzar a cifra de 1.090, concretamente 661 homes e 449 mulleres.
