A Consellería de Infraestruturas e Mobilidade, a través de Augas de Galicia, eliminou un punto de vertedura de augas residuais procedente dunha instalación industrial asentada no concello de Palas de Rei.
Esta achega foi localizada polos técnicos do Programa de Control de Vertidos, adscritos a Augas de Galicia, no marco das inspeccións rutineiras de control nas instalacións industriais do municipio.
Os técnicos da Xunta localizaron un punto de contaminación vinculado a unha fosa séptica da instalación que vertía directamente cara ao dominio público.
Ante a deficiencia observada, os técnicos requiríronlle aos responsables da instalación a adopción das medidas correctoras oportunas co obxectivo de emendar esa achega irregular.
Os responsables da empresa desmantelaron a fosa deficiente e construíron unha nova estación depuradora de augas residuais industriais, redimensionada e dotada de equipamentos máis actuais, axustándose ás especificacións requiridas.
Os traballos levados a cabo permitiron emendar o vertedura ao dominio público hidráulico, como verificaron os técnicos da Xunta nunha nova inspección.
