A casa niño A Brétema do Miño de Portomarín mantén aberto o seu prazo de inscrición. Os interesados en levar as súas crianzas ao centro poden anotarse ata o vindeiro 8 de abril.
Trátase dun servizo especializado no coidado e na atención de nenos e nenas de 0 a 3 anos. A Brétema do Miño foi inaugurada no ano 2022 e ten capacidade para 5 cativos. Os interesados poden solicitar máis información ou realizar a súa inscrición a través do número 617 743 642.
As casas niño son un modelo de atención á infancia adaptado ás características dos concellos rurais de Galicia. Teñen un máximo de cinco prazas e funcionan de luns a venres durante todo o ano, excepto os días festivos e un mes dos doce no que permanece pechada por vacacións.
