O Concello do Saviñao organiza unhas actividades para nenos e nenas do municipio dentro da programación de Semana Santa.
Así, os días 25, 26 e 27 de marzo terán lugar diversos obradoiros para os máis pequenos do Concello entre as 11.00 e as 13.00 horas.
Concretamente, o día 25 terá lugar un de cociña, o 26 será de xoguetes con material reciclado e o día 27 será o de pulseiras e chapas.
As familias interesadas en que os seus cativos participen poderán apuntalos ata o venres 22 de marzo a través do Concello ou chamando ao 982 452 061.
