O Concello de Folgoso do Courel lanza unha iniciativa con motivo do Día da Muller coa que homenaxeará ás súas veciñas a través da iniciativa Aprende coas Mulleres Galegas.
Así, convidan a todas as mulleres a participar enviando por correo electrónico unha fotografía e unha breve explicación sobre unha muller ou mulleres ás que admiran e por que.
Así, exporanse nais, avoas, fillas, estudantes, traballadoras, emprendedoras que son referentes para as mulleres do Courel a través do correo servizossociais@folgosodocourel.com ou achegando o material aos Servizos Sociais do Concello. Desta maneira, exhibiranse as fotografías e textos no Concello de Folgoso do Courel durante todo o mes de marzo.
