O Concello de Meira pon en exposición pública este martes o Inventario de Camiños de Titularidade Municipal.
Este concello adxudicou á empresa Aleutos Solutións SL, a realización dun inventario dos camiños de titularidade municipal, que se expón para que poda acceder toda a poboación os días 5, 7 e 8 de marzo de 2024 en horario de mañá de 9.00 a 15.00 horas, na casa do Concello de Meira.
O martes día 5 está dirixido á veciñanza da parroquia de Seixosmil, o xoves 7 para os de Meira e o día 8 están convocadas todas aquelas persoas que non puideron acudir os días anteriores.
Poderán formular reclamacións todas aquelas persoas que se vexan afectadas, debendo aportar a correspondente documentación xustificativa da propiedade de ser o caso.
