Este venres, 22 de marzo, todas as persoas interesadas en obter de balde trampas e líquido atraente para a captura de velutinas poderá achegarse ata o Concello e recollelas.
O reparto realizarase en horario de 17:00 a 20:00 nas oficinas da Casa Consistorial.
Con esta iniciativa, que se realiza en colaboración coa Asociación de Apicultores Serra da Carba, o Concello pretende paliar os riscos que supón esta especie invasora no municipio e na contorna na época na que se inicia o proceso de nidificación. Se se captura a raíña neste tempo impídese a propagación desta especie.
