Dentro das actividades organizadas pola entidade responsable da xestión das Reservas da Biosfera Terras do Miño e Os Ancares Lucenses e Montes de Cervantes, Navia e Becerreá, Nete acollerá un segundo curso de cociña de aproveitamento.
Será impartido por Miguel Ángel Díaz Fraga, chef do restaurante A Nova Ruta, con acreditada e recoñecida experiencia.
O curso desenvolverase na Escola todos os luns de 17.00 a 20.00 horas, comezando o 15 de abril e rematando o 3 de xuño.
Cada día de curso consistirá en facer un menú cun primeiro, segundo e sobremesa, procurando a utilización de produtos de proximidade e o máximo rendemento das materias primas empregadas.
As persoas que desexen apuntarse poden facelo ata o 12 de abril no teléfono 646 006 167.
