Lugo Monumental entrega os premios aos gañadores da Ruta do Cocido por (E)TAPAS, na que participaron cinco locais de hostalaría. Ata o día 17 de marzo, A Adega, Santuario de Magnus, Restaurante Antas, 101 viños e Orixe do Campo impulsaron unha ruta que permitiu degustar cinco diferentes tapas de cocido.
Os clientes participaron nun sorteo con diferentes premios. O primeiro, unha visita guiada a una bodega da Ribeira Sacra foi para Silvio Novo Gambón, mentres que o segundo e o terceiro foron para María Xosé Gadraman Pérez e Mercedes Soler Martínez.
Os locais ofreceron a mesma base (verdura, pataca e garavanzo) e cada un deles unha carne distinta. A orixinal iniciativa de cinco locais da Praza do Campo converteu esta simbólica localización da cidade no punto central da ruta. O éxito da iniciativa augura futuras edicións e mesmo outras similares con diferentes contidos.