O Xeoparque Montañas do Courel organiza un concurso de ‘restyling do logotipo Montañas do Courel’ porque din que “hai que levar a cabo un cambio de logotipo para adaptarse as novas normas que deben cumprir os logos dos Xeoparques Mundiais da UNESCO”.
Por este motivo, lanzan un concurso aberto para seleccionar a que será a nova imaxe corporativa do Xeoparque, podendo presentalo ata o 29 de abril a través do correo electrónico info@ribeirasacracourel.es.
O logotipo deberá reflexar a identidade do Xeoparque, incluíndo as palabras ‘Geoparque’ e ‘Montañas do Courel’; debe figurar unha referencia gráfica á representación dos pregos tumbados de Courel; o logo deberá ter as versións en castelán, galego e inglés e non poderá figurar a palabra UNESCO.
A persoa que gañe o concurso recibirá 1.000 euros e un recoñecemento oficial durante a celebración da Semana Europea dos Xeoparques 2024.
