O alcalde de Monforte, José Tomé Roca, acompañado pola 1ª tenente de alcalde, Gloria Prada, e a concelleira de Cultura, Marina Doutón, fixeron entrega dos premios correspondentes ós diferentes concursos convocados arredor da XX Feira Medieval de Monforte.
O Concurso de Traxes Medievais, contou coa inscrición en adultos, de 12 parellas e 7 persoas en modalidade individual, e en infantil, con 1 grupo, 3 parellas e 3 en individual. E No Concurso de decoración de balcóns foron 12 os participantes inscritos, mentres que no de Decoración de establecementos comerciais e hostaleiros foron 8 os anotados.
O xurado destacou tanto o alto número de participantes, como a calidade nos deseños e materiais empregados nos distintos concursos e no acto de entrega de premios, que tivo lugar as 19.00 horas na Praza de España, os premiados e premiadas nas diferentes categorías foron os seguintes:
No VIII Concurso de Decoración de Balcóns o 1º premio foi para a Asociación vecinal A Pinguela por 100euros, o 2º premio foi para Mª del Pilar Losada González por 75 euros, e o 3º premio para Mª Belén Prieto Robisco de 50euros.
No caso do IX Concurso de Decoración de Establecementos Comerciais e Hostaleiros, o 1º premio foi para Deportes Fento cun valor de 200 euros, o 2º premio foi para a Zapatería Dos Pies por 100 euros e o 3º premio foi para Carpe Diem, con valor de 75 euros.
No caso do XI Concurso de Traxes Medievais Infantil, houbo premios no Grupo infantil: o 1º premio para o Grupo Sandra Fernández Reboiro con 175 euros; na categoría de Parellas o 1º premio foi para Mateo e Leo Díaz Uceira con 100 euros e o 2º premio para Belén Álvarez e Ainoha Padrón por 75 euros; na categoría Individual o 1º premio foi para Nahia López Marruedo por 50 euros e o 2º premio para Beatriz Rodríguez Varela con 25 euros.
Pola súa parte, na categoría Adulto de Parellas, o 1º premio foi para Montserrat Varela Ons e Asier Castro Varela con 175 euros e o 2º premio para Luis Servando López Díaz e Oscarina María Conceição Gonsalves con 125 euros; e na categoría Adulta Individual o 1º premio foi para Iria Conde Martínez con 75 euros e o 2º premio para Itziar Marruedo Ruiz con 50 euros. Finalmente, a mención especial levouna María del Pilar Álvarez Ramil.
