O Club Os Meigallos FS, en colaboración co Concello de Sarria, organiza o XVII Torneo de Fútbol Sala Base Os Meigallos Sarria para equipos federados de fútbol sala.
O torneo celebrarase durante a fin de semana do 14, 15 e 16 de xuño nas categorías de prebenxamín, benxamín, alevín, infantil, cadete e xuvenil e a inscrición, como todos os anos, será gratuíta.
Admitiranse un máximo de oito equipos por categoría e repartiranse trofeos para os tres primeiros clasificados de cada categoría, o Máximo Goleador, o Mellor Porteiro, e o Xogador máis destacado de cada categoría.
As persoas interesadas en participar poderán inscribirse ata o vindeiro 3 de xuño, podendo poñerse en contacto a través dos números 630 432 756 de Violeta, 639 341 528 de María, 628 084 508 de David, 636 044 283 de Poy, na Ferraxería Maluco de Sarria, ou a través do correo electrónico osmeigallos@yahoo.es.
