A Anpa da Escola Infantil Xela Arias de Sarria organiza para o vindeiro 29 de abril, luns, unha nova actividade para a Escola de Familias ‘A maleta lila’.
A actividade, que se desenvolverá de 16.30 a 18.30 horas no salón de actos da Casa da Cultura, está orientada só para persoas adultas que teñan familia ou estean interesadas en adquirir ferramentas para a educación en igualdade e o acompañamento respectuoso.
Así, crearase un espazo para a reflexión no cal se abordará o acompañamento das emocións das crianzas desde unha metodoloxía dinámica e vivencial.
