Por Daniel Rodríguez Saavedra.
O sábado 20 de abril xogouse no campo de fútbol O Pichón de Muimenta, a penúltima xornada da LNB conferencia NorLeste, correspondente o X aberto A Terra non se vende.
Fortes e fríos refachos de nordés xogaron coas billarda e mais cos palanadores que tiveron que arrouparse como si de inverno se tratara.
Superouse a marca de palanadores acadando un total de noventa e dous. A mellor participación da tempada loitando contra o vento que nos acompañou toda a tarde.
O equipo de Troitas Bravas da Pontenova foi o vencedor seguido de Billardeiros Musicais de Ribadeo e de Madia Leva de Lugo. O podio absoluto foi para Morás (Madia Leva), Tejero (Billardeiros Musicais) e David Navallo de Troitas Bravas.
En donas Geni e Dori (Billardeiros Musicais) dominaron seguidas de Delia (Billarda Rio Miño). Os infantís Diego e Mateu (Madia Leva) non teñen rival, só Alba de Troitas Bravas puxo algo de resistencia sendo terceira.
As clasificacións quedan así:
- 1º Basilio Billardeiros Musicais 233 p.
- 2º Sachas Troitas Bravas 228 p.
- 3ª Cortón Billarda Rio Miño 214 p.
Donas:
- 1ª Cris Castiñeiro Milenario 126 p.
- 2ª Aroa Billrdeiros Musicais 124 p.
- 3ª Vanesa Castiñeiro Milenario 111 p.
Equipos:
- 1ª Troitas Bravas A Pontenova 905 p.
- 2ª Billardeiros Musicais Ribadeo 842 p.
- 3ª Madia Leva Lugo 741 p.
Para remate da tempada xogarán o sábado 11 de maio en Remourelle no XIV aberto do coello de Suso.
