A CIG convoca protestas e reclama a dimisión do director xeral do SEPE por falta de persoal e de medios tecnolóxicos
A CIG-Administración Pública anuncia unha campaña de mobilizacións ante o colapso do SEPE pola posta en marcha da nova aplicación ALMA e a carencia alarmante de persoal. As protestas arrancan este xoves 3 na Coruña e continuarán por Vigo, Pontevedra, Ourense e Lugo ao longo de abril.
O sindicato denuncia que a nova aplicación informática supón un lastre no traballo diario e que o déficit de persoal está a provocar estrés e sobrecarga, tanto no persoal como nas persoas usuarias. Esixen solucións inmediatas: máis recursos humanos, revisión normativa e mellora da aplicación ALMA, que xa leva máis de 8 millóns investidos sen resultados positivos.
Tamén reclaman a dimisión do director xeral do SEPE, ao considerar que a situación é “insostíbel e inxustificábel” e que require unha actuación inmediata por parte da Administración.