Actualidade

Lalín, O Rosal e Sanxenxo recibirán máis de 250.000 euros da Deputación de Pontevedra para mellorar infraestruturas deportivas, dentro do II Plan Extraordinario de Infraestruturas Deportivas.

A Deputación de Pontevedra vén de aprobar novas achegas do II Plan Extraordinario de Infraestruturas Deportivas por valor de máis de 250.000 euros, destinadas a Lalín, O Rosal e Sanxenxo para modernizar os seus equipamentos deportivos. Trátase dun plan dotado con 8 millóns de euros para concellos de menos de 50.000 habitantes.

En Lalín investirase máis de 13.000 euros en novas mallas metálicas para as pistas de tenis e as gradas do pavillón de deportes. O Rosal recibirá máis de 115.000 euros para melloras no seu pavillón municipal, que inclúen renovacións na cuberta, fachada, megafonía e sistema de ventilación.

Sanxenxo contará con 125.000 euros para renovar portas nos campos do Revel, A Lanzada e Baltar de Arriba, e para mellorar a iluminación e eficiencia enerxética nos campos do Revel e de Baltar de Arriba.