Actualidade | Emprego

Do 27 de maio ao 30 de setembro, empresas e autónomos poderán solicitar subvencións de 9.975 € a 16.625 € para contratos formativos de 12 meses de menores de 30 anos, con ou sen titulación.

O Diario Oficial de Galicia (DOG) publica hoxe a orde 2025 do programa 1ª experiencia profesional, dotado con 6,3 millóns de euros (máis de 2 M€ que en 2024), co que a Xunta prevé beneficiar a 650 mozos menores de 30 anos.

As subvencións divídense en dúas liñas:

Con titulación

Sen cualificación acreditable

Destinadas a financiar contratos formativos a xornada completa de 12 meses, coas contías comprendidas entre 9.975 € e 16.625 € segundo categoría.

Poderán optar a estas axudas empresas, autónomos, sociedades civís e comunidades de bens con centro de traballo en Galicia. O prazo comeza o martes 27 de maio e pecha o 30 de setembro de 2025.

Esta iniciativa únese a programas como Investigo (4,8 M€) e Galicia Emprega Moz@s (3,5 M€) e intégrase na futura Estratexia Xuventude Activa, con 20 M€ para impulsar o emprego xuvenil en Galicia.