Actualidade | Sindicatos

Tras case tres meses de folga, CCOO e o Goberno alcanzan un pacto que inclúe a creación dunha escala propia, compensacións por horarios especiais, nova produtividade e recuperación do poder adquisitivo perdido desde 2010.

Despois de oitenta días de folga e mobilizacións, a Inspección de Pesca Marítima desconvoca os paros tras acadar un acordo “sen precedentes” co Ministerio de Política Territorial.

O pacto, negociado por CCOO, contempla:

Nova escala profesional exclusiva para inspectores/as de pesca

Compensacións salariais por horarios especiais e recuperación do poder adquisitivo desde 2010

Produtividade por obxectivos proporcional aos meses de abril e maio, tamén para quen secundou a folga

Compromisos para xubilación anticipada, revisión da RPT e promoción profesional real

A nova escala outorga identidade propia á profesión, crucial para implantar coeficientes redutores de xubilación e reforzar o recoñecemento laboral. Un de cada catro inspectores traballa en Galicia, onde prestan servizo máis dunha trintena de profesionais.

Sandra González, inspectora en Galicia, destacou que “este recoñecemento abre as portas a futuras melloras” e advertiu que CCOO “vixiará o cumprimento dos compromisos” e está preparado para mobilizarse de novo, se fose necesario.