Acruga subastará en Baleira tres novillas preñadas de raza Rubia Gallega con un precio de salida de 2.900 euros
A Asociación de Criadores de Raza Rubia Gallega (Acruga) celebrará mañá domingo unha nova subasta de gando en Baleira, na que se poñerán á disposición dos compradores tres novillas preñadas procedentes do centro de recría da Granja Gayoso Castro, da Deputación de Lugo.
A poxa comezará ás 12:00 horas no campo da feira de Baleira. As persoas interesadas poderán retirar as tarxetas acreditativas para participar na subasta desde unha hora antes do inicio.
Os exemplares que saen a poxa son tres novillas preñadas de entre catro e cinco meses, con idades comprendidas entre os 23 e os 24 meses. Os animais contan con xenealoxías que garanten a súa calidade e as súas características, con cartas nas que figuran touros como Paderne AG, Lucas AG, Quijano AG, Jacinto AG, Fidalgo AG e Camilo AG.
O prezo de saída establecido é de 2.900 euros por exemplar. Ademais, as persoas compradoras recibirán unha axuda de 200 euros por animal de Caixa Rural para incentivar a adquisición dos exemplares.
Baleira forma parte desde hai anos do calendario de subastas organizadas por Acruga en diferentes municipios da provincia, co obxectivo de responder á demanda de animais de raza Rubia Gallega por parte dos gandeiros e gandeiras. Na pasada edición desta cita foron adxudicados os tres exemplares dispoñibles, cun prezo medio de 3.133 euros.
O presidente de Acruga, César Dorado, destacou a importancia destas subastas que se desenvolven por toda Galicia, “non só para cubrir a demanda de exemplares, que segue ao alza, senón tamén como unha forma de promocionar e dar a coñecer as grandes cualidades da nosa raza autóctona de carne”.
Dorado tamén agradeceu “o apoio prestado polo Concello de Baleira para a organización desta poxa no que supón unha clara aposta pola Raza Rubia Gallega”.