Actualización dos incendios forestais en Galicia: estabilizados Mondariz-Riofrío e Ponteceso-Brantuas, controlados Ponteceso-A Graña e Vilardevós-Terroso
A Consellería do Medio Rural actualizou este martes, con datos recollidos ata as 14:00 horas, a situación dos incendios forestais en Galicia.
Estabilizado Mondariz-Riofrío
Desde as 9:39 horas permanece estabilizado un incendio iniciado ás 00:20 horas deste martes na parroquia de Riofrío, no concello de Mondariz. Segundo as últimas estimacións, afecta a unha superficie duns 20 hectáreas. No operativo participaron 1 técnico, 5 axentes, 7 brigadas, 10 motobombas, 1 pala e 1 helicóptero.
Estabilizado Ponteceso-Brantuas
Desde as 23:32 horas do domingo permanece estabilizado outro incendio neste concello, na parroquia de Brantuas. As últimas estimacións indican que afecta a unhas 170 hectáreas. O lume comezou ás 20:30 horas do sábado e mobilizou 5 técnicos, 22 axentes, 24 brigadas, 17 motobombas, 2 palas, 3 unidades técnicas de apoio, 3 helicópteros e 11 avións.
Controlado Ponteceso-A Graña
Desde as 20:09 horas do luns permanece controlado o incendio da parroquia da Graña, tamén en Ponteceso, cunha superficie estimada próxima ás 100 hectáreas. O lume comezou ás 00:30 horas do domingo e precisou da intervención de 3 técnicos, 21 axentes, 24 brigadas, 24 motobombas, 2 unidades técnicas de apoio e 9 helicópteros.
Controlado Vilardevós-Terroso
Mantense controlado desde as 21:47 horas do luns o incendio da parroquia de Terroso, en Vilardevós (Ourense), cunha afectación estimada de 570 hectáreas. Activouse a Situación 2 pola proximidade a núcleos habitados, que se desactivou ás 22:15 horas do domingo.
O lume iniciouse ás 23:04 horas do venres e mobilizou 12 técnicos, 56 axentes, 79 brigadas, 53 motobombas, 6 palas, 12 helicópteros e 12 avións, coa colaboración da Unidade Militar de Emerxencias (UME).
O número de teléfono gratuíto 085 está dispoñible para avisar de calquera lume forestal. Tamén se pode denunciar de forma anónima actividade incendiaria no 900 815 085. A información actualizada sobre incendios que superen as 20 hectáreas publícase en @incendios085 en X (Twitter).