Adrián Mosteiro e Carmen Rodríguez imponse na proba raíña do Trail das Bestas de Muras
A novena edición do Trail das Bestas de Muras reuniu este domingo preto de 500 corredores na Serra do Xistral. Adrián Mosteiro e Carmen Rodríguez Villaverde foron os grandes protagonistas da xornada ao facerse coa vitoria na maratón, a distancia máis esixente dunha competición que congregou deportistas de diferentes idades e procedencias.
Na categoría masculina, Adrián Mosteiro foi o primeiro en completar o percorrido, parando o cronómetro en 4 horas, 19 minutos e 45 segundos. Ismael Vázquez, do Triume de As Pontes, e Juanjo Coello Martínez, do CD Camovi, ocuparon a segunda e a terceira posición, respectivamente. En mulleres, o triunfo correspondeu a María del Rosario Figueroa, seguida de Cecilia Abal Mosteiro.
Nas clasificacións por categorías, Carlos Pernas Parapar levou a vitoria en máster 1, José Manuel Iglesias García fixo o propio en máster 2 e Santi Vázquez Pena foi o mellor en sénior.
A modalidade de trail clásico, con 27 quilómetros de percorrido, tivo como vencedor a Yago Abeledo Iglesias, por diante de Rubén Iglesias Construcciones e Darío Arias Costas. Na competición feminina, Lucía Peón Santomé acadou o primeiro posto, mentres que Estefanía Muras Serantes e Rosa López Teijeiro completaron o podio.
Por categorías, Laura Felipe e Iván Sangiao proclamáronse campións en máster 1; Patricia Rojas e Emilio Montilla venceron en máster 2, e Cecilia González e Edgar Castelo foron os primeiros clasificados en sénior.
A proba de trail curto, de 14 quilómetros, estivo encabezada por Julia Salvado Diéguez e Moisés Breijo Nebril. Tras eles finalizaron Tereza Ctvrtnickova (Triume As Pontes) e Paula Alonso, xunto a Carlos González e Esteban Sendón, respectivamente.
Nesta distancia, Iria Mendoza Fernández e José Antonio Souto González conseguiron as primeiras posicións en máster 1. Sonia Veigas López e Roberto Salvado Tejedor impuxéronse en máster 2, mentres que Patricia López e Rubén Vázquez Rivas encabezaron a categoría sénior.
A programación deportiva completouse coa tradicional andaina e unha modalidade mini de oito quilómetros, incorporada como novidade nesta edición. Lucía Taboada e Adrián Sesar foron os vencedores absolutos desta última proba.
Nas categorías por idades, Sandra Permuy e Víctor Manuel Lavandeira lograron o triunfo en máster 1; Nuria Roca e Manuel Requeijo impuxéronse en máster 2, e Helia García e Adrián Blanco foron os mellores en sénior.
Con esta novena edición, o Trail das Bestas volveu converter a Serra do Xistral nun punto de encontro para centos de afeccionados ao deporte de montaña, con diferentes distancias e modalidades adaptadas ás persoas participantes.