Actualidade

O foro contará con expertos en política económica, vivenda e xeopolítica para analizar os retos europeos desde unha perspectiva galega.

O 15.º Congreso Nacional do PSdeG acollerá unha actividade paralela baixo o título Ágora de Debate Europa, promovida polo Grupo dos Socialistas e Demócratas do Parlamento Europeo. O eurodeputado Nicolás González Casares avanzou hoxe o programa desta iniciativa, que se desenvolverá no Espazo Europa, unha zona habilitada no edificio Fontán.

O obxectivo deste foro é analizar cuestións clave para Galicia na actual conxuntura económica, política e social, aproveitando a reunión do máximo órgano do partido, pero facéndoo desde unha perspectiva europea. O evento contará con expertos do ámbito político e académico para debater sobre os problemas que preocupan á cidadanía e a súa conexión co contexto europeo.

Tres coloquios ao longo da tarde do sábado

A xornada abrirase ás 16:00 horas coa inauguración a cargo do secretario xeral do PSdeG, José Ramón Gómez Besteiro, seguida de tres coloquios temáticos:

1. A crise da vivenda: un problema europeo (16:10 - 17:00)

• Participantes:
  • María José Caride, tenente de alcalde de Vigo e responsable de Urbanismo e Vivenda.
  • Javier Izquierdo, secretario de Estudos e Programas do PSOE e voceiro de Vivenda no Senado.
  • Xurxo Doval, secretario xeral das Xuventudes Socialistas de Galicia.
• Moderadora: Enma López Araújo, secretaria de Política Económica e Transformación Dixital do PSOE.

2. A UE ante a nova xeopolítica: a derivada galega (17:00 - 17:50)

• Participantes:
  • Adriana Viz Fernández, directora de gabinete adxunta do Ministerio de Asuntos Exteriores, Unión Europea e Cooperación.
  • César Mogo, secretario do PSOE Exterior e membro da Asemblea Parlamentaria da OTAN.
  • Nicolás González Casares, eurodeputado e secretario de Política Europea e Transformación Dixital do PSdeG.
• Moderador: Iván Puentes, secretario de Análise e Prospectiva do PSdeG.

3. A lingua galega, unha lingua europea (18:00 - 18:50)

• Participantes:
  • Silvia Longueira, deputada galega e directora en excedencia da Fundación Luis Seoane.
  • Fernando Ramallo, catedrático de Lingüística Xeral da Universidade de Vigo e exmembro do comité de expertos da Carta Europea para as Linguas Rexionais ou Minoritarias do Consello de Europa.
• Moderador: Nicolás González Casares.