Alerta laranxa por chuvias intensas no interior da Coruña e no centro e montaña de Lugo
A Xunta activou para este martes a alerta laranxa por un episodio de chuvias intensas e tormentas, que afectará especialmente ao interior da provincia da Coruña e ás zonas centro e de montaña de Lugo. Ademais, o resto da provincia luguesa, toda a de Ourense e o interior de Pontevedra están en alerta amarela.
As precipitacións de maior intensidade están previstas a partir das primeiras horas da tarde, polo que se mantén a vixilancia ante a posible evolución do fenómeno meteorolóxico adverso.
Ante esta situación, o 112 Galicia recomendou á cidadanía extremar as precaucións, especialmente nos desprazamentos por estrada. Entre as medidas aconselladas está reducir a velocidade e evitar circular por zonas susceptibles de sufrir inundacións.
Emerxencias lembra así a importancia de adaptar a condución ás condicións meteorolóxicas e manterse atento ás posibles incidencias derivadas das chuvias.