Besteiro alerta de que, mentres Rueda bloquea as zonas tensionadas, “en Galicia cada día hai 18 familias máis que necesitan vivenda”
O secretario xeral do PSdeG, José Ramón Gómez Besteiro, advertiu hoxe en Madrid de que o rexistro oficial de demandantes de vivenda en Galicia pasou dos 17.982 inscritos en outubro a 21.972 este mes, o que supón un crecemento de case 18 familias cada día. “É unha auténtica emerxencia habitacional”, subliñou.
Besteiro culpou ao presidente da Xunta, Alfonso Rueda, de bloquear medidas como a declaración de zonas tensionadas, necesarias para regular os prezos do alugueiro. “O PP non está polo labor de conter a suba dos prezos, prefire anuncios propagandísticos a políticas reais”, censurou.
O líder socialista mantivo un encontro con Eneko Andueza (PSE-EE) e Denis Itxaso (conselleiro vasco de Vivenda) para intercambiar experiencias sobre o Plan Director de Vivenda 2025-2027. Entre as propostas coas que coincidiron figuraron:
Banco público de alugueiro
Beneficios fiscais para inquilinos e propietarios
Fondo social de financiamento de vivendas
Reformas legais para flexibilizar o mercado
Plan de apoio á emancipación xuvenil
Tamén revisaron o modelo vasco de zonas tensionadas, que xa aplica decenas de municipios para frenar a escalada dos alugueiros, fronte a unha Xunta que só “pon atrancos”.
“Anuncios con fogos de artificio non dan solución; Galicia precisa políticas valentes para que nin un só mozo quede sen poder independizarse pola falta de vivenda”