Actualidade

O secretario xeral do PSdeG, José Ramón Gómez Besteiro, constitúe os 15 grupos de traballo que definirán o novo proxecto socialista galego, con vocación de abrirse á sociedade e construír unha alternativa centrada na realidade do país.

O secretario xeral do PSdeG, José Ramón Gómez Besteiro, puxo en marcha os 15 grupos de traballo aprobados pola Comisión Executiva Nacional Galega, cos que o partido busca artellar “un proxecto realista, galeguista e centrado na maioría social”. Os grupos están integrados por 173 militantes de toda Galicia, cun perfil plural e comprometido, que achegan experiencia en áreas como sanidade, educación, medio rural, coidados ou emprendemento.

“Queremos escoitar máis voces, unir máis miradas e construír máis Galicia”, afirmou Besteiro, quen subliñou a vontade de abrir o proceso á sociedade galega. Na xuntanza de constitución participaron tamén Lara Méndez, secretaria de Organización, e Aitor Bouza, secretario de Acción Territorial.

Entre os grupos destacan os de Igualdade (coordinado por Silvia Fraga), Sector Económico (Abel Losada), Política Social (Natalia González Benéitez), Sanidade (Julio Torrado Quintela), Educación e Innovación (Fabián Canosa), Cultura e Lingua (Silvia Longueira), Monte e Rural (Roberto Fernández Rico), Mar (José Ramón Romero), Medio Ambiente e Reto Demográfico (Ramón Alonso), Transporte e Mobilidade (Patricia Otero), Memoria Histórica (Iván Puentes), Vivenda (Iria Sobrino), Deportes (Jorge Bustos), LGTBI (Aitor Rodríguez Casanova) e Europa (Nicolás González Casares).