Actualidade

Montse Prado denuncia no Parlamento o colapso da sanidade galega e pide a mobilización social ante a falta de planificación e recursos. O BNG propón medidas urxentes para garantir unha atención digna e frear a deriva cara á privatización.

A deputada do BNG, Montse Prado, denunciou hoxe no Parlamento a situación “inaceptable” da sanidade pública galega, e acusou á Xunta de actuar con total improvisación. Criticou que, un ano despois de iniciarse a lexislatura, nin o conselleiro nin o presidente da Xunta puxeron en marcha os compromisos anunciados: nin plan de RRHH, nin novo modelo de atención primaria, nin medidas para reducir as listas de espera.

A nacionalista rexeitou que se sigan contratando MIR sen supervisión para cubrir a falta de médicos no verán, mentres se mantén unha política que favorece a sanidade privada. Denunciou que hai 360.000 persoas en listas de espera e que moitos centros de saúde e hospitais están colapsados ou sen servizos esenciais.

O BNG chama á mobilización cidadá convocada por SOS Sanidade Pública este domingo e urxe un plan de ordenación de persoal, un novo modelo de Atención Primaria con profesionais clave e un plan de choque para eliminar as listas de espera.