Daniel Otero Álvarez, remata noveno no Mundial Universitario de remo disputado en Canadá
O remeiro Daniel Otero Álvarez, integrante do Club Remeros del Eo e representante do club vegadense, participou estes días no Campionato do Mundo Universitario celebrado en London, Canadá, organizado pola Federación Internacional de Deporte Universitario (FISU).
A competición reuniu desde o xoves máis de 300 deportistas procedentes de 20 países. Otero, estudante da Universidade de Oviedo, competiu xunto ao seu compañeiro Esteve Masanes.
Na xornada do xoves, a parella non conseguiu superar as eliminatorias e acceder á final A, polo que tivo que disputar a final B este sábado. Nesa regata, os dous deportistas finalizaron na terceira posición cun tempo de 6:45.56, nunha proba moi disputada.
Co resultado na final B, Daniel Otero e Esteve Masanes pechan a súa participación no campionato cun noveno posto na clasificación xeral.
A competición pon así o punto final a unha tempada deportiva positiva para o remeiro do Club Remeros del Eo, que agora afrontará un período de descanso antes de retomar os adestramentos e preparar os novos retos deportivos.