Esgos consegue reciclar 880 quilos de roupa e calzado no primeiro semestre do ano
Un total de 880 quilos de roupa e calzado depositados durante os últimos meses nos contedores de Insertega situados en Esgos e O Pinto foron destinados á súa reutilización ou reciclaxe, contribuíndo así á protección do medio ambiente e á loita contra o cambio climático.
Os contedores permiten depositar prendas de roupa e calzado que se atopen en bo estado para favorecer a súa reutilización, así como aqueles materiais que estean deteriorados para que poidan recibir un tratamento adecuado e ser reciclados correctamente.
Segundo os datos da Comisión Europea, a xestión dos 880 quilos recollidos nos contedores de Esgos e O Pinto permitiu evitar a xeración de 2,7896 toneladas de gases de efecto invernadoiro (CO2).
Por meses, a cantidade de roupa e calzado recollida foi de 160 quilos en xaneiro, 200 quilos en febreiro, 160 quilos en marzo, 160 quilos en abril, 120 quilos en maio e 80 quilos en xuño.