Estabilizado o incendio forestal na parroquia de Ribasieira do concello coruñés do Porto do Son
A Consellería do Medio Rural informa de que o incendio forestal rexistrado no concello coruñés do Porto do Son, parroquia de Ribasieira, quedou estabilizado ás 18,15 horas de onte.
O lume iniciouse ás 14,42 horas do luns e segundo as últimas estimacións provisionais afecta unha superficie de 45 hectáreas. Para a súa extinción mobilizáronse, polo de agora, 2 técnicos, 25 axentes, 34 brigadas, 21 motobombas, 2 pas, 2 unidades técnicas de apoio, 7 helicópteros e 5 avións.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Asemade, tamén está dispoñible para a súa descarga ALume, a app para avisar sobre incendios forestais activos en Galicia. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X: @incendios085.