Rural

A Xunta mantén controlado o primeiro lume rexistrado na Capela e estabilizado o do parque das Fragas do Eume

Está extinguido desde as 00.18 horas de hoxe un conato de incendio na localidade coruñesa de Ribeira, parroquia de Olveira. Comezou ás 22.53 horas de onte e afectou unha superficie de 0,01 hectáreas dentro do Parque Natural das Dunas de Corrubedo. Para a súa extinción mobilizáronse, de maneira acumulada, 1 axente e 1 motobomba.

Tamén desde as 18.18 horas de onte está estabilizado o incendio forestal do concello da Capela, na parroquia homónima. O lume comezou ás 05.27 horas de onte e, segundo as últimas estimacións, afecta a 50 hectáreas, todas elas dentro do Parque Natural das Fragas do Eume.

Para a súa extinción mobilizáronse, polo momento, 3 técnicos, 19 axentes, 29 brigadas, 24 motobombas, 2 pas, 1 unidade técnica de apoio, 5 avións e 5 helicópteros.

Ás 0.55 horas de onte quedou controlado outro lume rexistrado neste mesmo concello da Capela, tamén na parroquia homónima, que se iniciou o domingo ás 04.06 horas e que, segundo as últimas estimacións provisionais, afecta unha superficie dunhas 30 hectáreas. Para a súa extinción mobilizáronse, polo momento, 2 técnicos, 18 axentes, 25 brigadas, 26 motobombas, 1 pa, 3 helicópteros e 4 avións.

Finalmente, quedou extinguido ás 21.05 horas de onte o lume do concello da Mezquita, na parroquia de Manzalvos, que entrou desde Portugal ás 07.18 horas do domingo e que finalmente afectou, en Galicia, unha superficie de 61,27 hectáreas, das cales 51,4 corresponden a arborado e as 9,87 restantes a terreo raso. Para a súa extinción mobilizáronse, de maneira acumulada, 1 técnico, 17 axentes, 27 brigadas, 17 motobombas, 4 pas, 7 avións e 7 helicópteros.