Actualidade | Sindicatos

O novo Real Decreto, froito do Acordo na Mesa de Diálogo Social de 2024, regula os coeficientes redutores que permiten xubilarse a partir dos 52 anos en ocupacións con penosidade, perigosidade ou insalubridade severas, e incorpora indicadores obxectivos e sobrecotizacións para garantir a sustentabilidade.

A Federación de Servizos, Mobilidade e Consumo (FeSMC) de UGT Galicia valorou moi positivamente a aprobación, polo Consello de Ministros, do Real Decreto que establece o procedemento para aplicar coeficientes redutores á idade de xubilación en ocupacións con condici ons laborais excepcionalmente duras.

Froito do Acordo de setembro de 2024 na Mesa de Diálogo Social, regula a xubilación anticipada para traballadores expostos a:

Quendas continuas ou nocturnas

Esforzo físico repetitivo ou sobrecarga

Exposición a produtos tóxicos

Riscos que comprometen a saúde ou integridade física

O sistema establece:

Idade mínima de 52 anos para o adianto de xubilación

Indicadores obxectivos (taxas de sinistralidade, baixas laborais, duración dos procesos)

Sobrecotización específica para garantir sustentabilidade sen recargar o conxunto do sistema

Procedemento garantista, que permite solicitudes directas aínda en ausencia de acordo institucional

FeSMC UGT Galicia comprométese a impulsar este mecanismo en sectores galegos onde se cumpran estes criterios, defendendo a saúde e a equidade laboral, especialmente para mulleres e profesionais con contratos parciais ou inestables.