Actualidade

A Consellería do Medio Rural informa que permanecen activos grandes incendios en Ourense con máis de 66.000 hectáreas afectadas. Mantense a Situación 2 na provincia, o que supón maior despregue de medios e coordinación co resto de administracións. Hai focos estabilizados e varios controlados en diferentes puntos de Galicia.

A Consellería do Medio Rural actualizou a situación dos incendios forestais en Galicia, cunha especial incidencia na provincia de Ourense, onde permanece decretada a Situación 2 en toda a provincia. Esta declaración permite unha maior axilidade de medios da Xunta, doutras administracións e da Unidade Militar de Emerxencias (UME).

A Coruña

Controlado Muxía-Nosa Señora da O (23 ha): controlado desde as 21.13 horas de onte. Participaron 3 técnicos, 25 axentes, 40 brigadas, 23 motobombas e 1 helicóptero.

Lugo

Controlado Cervantes-Vilarello (150 ha) desde as 08.35 h.

Controlado O Saviñao-Chave (60 ha) desde as 01.58 h.

Controlado A Fonsagrada-Monteseiro (150 ha) desde o domingo 10.

Ourense

Activos:

Chandrexa de Queixa e Vilariño de Conso-Mormentelos (17.500 ha).

Oímbra-A Granxa e Xinzo de Limia-Gudín (15.000 ha).

A Mezquita-A Esculqueira (10.000 ha).

Vilardevós-Vilar de Cervos (900 ha).

Vilardevós-Moialde (500 ha).

Larouco-Seadur (20.000 ha).

Carballeda de Avia-Beade (3.500 ha).

Estabilizados:

Maceda-Santiso e Castro Escuadro (3.500 ha).

Vilardevós-Fumaces e A Trepa (100 ha).

Riós-Trasestrada (20 ha).

San Cibrao das Viñas-Rante (60 ha).

Montederramo-Paredes (120 ha).

Pontevedra

Estabilizado Agolada-O Sexo (400 ha), con activación preventiva da Situación 2 polo risco para o núcleo de poboación.

Medidas de protección

Mantéñense confinamentos e desaloxos en zonas de Ourense, aínda que durante a noite parte da veciñanza de Pentes (A Gudiña) decidiu marchar de forma preventiva polos seus propios medios, mentres o resto permaneceu confinado.