Sociedade

Baixo o lema "A precariedade laboral mata", reclamaranse medidas para evitar que volva acontecer unha traxedia como a de Badaxoz, onde unha educadora social foi asasinada por tres menores

Hoxe xoves, 13 de marzo, ás 12:00 horas, gardarase un minuto de silencio e celebraranse concentracións diante das Facultades de Educación das tres universidades galegas.

Baixo o lema "A precariedade laboral mata", reclamarase medidas urxentes para evitar que volva acontecer unha traxedia como a de Badaxoz, onde unha educadora social foi asasinada por tres menores tutelados.

As concentracións serán nos seguintes puntos:

• A Coruña: Campus de Elviña (s/n).
• Santiago de Compostela: Campus Vida e Campus Norte.
• Ourense: Campus das Lagoas (Edificio de Ferro).

Esta protesta conta co apoio dos sindicatos CCOO, UGT, CIG e CSIF, así como das tres universidades galegas e o Colexio de Educadoras e Educadores Sociais de Galicia.

Reivindicacións de CCOO

Ante feitos tan tráxicos coma este, CCOO reclama a adopción de varias medidas urxentes:

• Auditorías inmediatas en todos os centros de menores do Estado para verificar o cumprimento das ratios de seguridade e da normativa vixente.
• Reversión da externalización dos servizos sociais, suspensión das licitacións á baixa e revisión dos pregos para garantir condicións laborais dignas.
• Implementación de protocolos específicos de actuación ante denuncias previas de agresións ou ameazas.
• Análise exhaustiva e rigorosa do perfil dos menores asignados en réxime semiaberto para garantir a seguridade do persoal.

Convocatoria

• Día: Xoves, 13 de marzo de 2025
• Hora: 12:00 horas
• Lugar: Facultades de Educación en A Coruña, Santiago e Ourense
• Motivo: Minuto de silencio e concentracións en repulsa polo asasinato dunha traballadora en Badaxoz