Novo curso de iniciación á apicultura na Casa do Mel de Goente
A Casa do Mel de Goente e a Axencia Galega de Calidade Alimentaria organizan en setembro un novo curso de iniciación á apicultura.
26 Aug 2021
A Casa do Mel de Goente, en colaboración coa Axencia Galega de Calidade Alimentaria (Agacal) organiza en setembro un novo curso de iniciación á apicultura, aberto a toda a poboación.
A actividade está prevista para os días 4, 5 e 11 de setembro en horario de mañá, de 09.00 a 14.00 horas. O curso realizarase nas propias instalacións da Casa do Mel e combinará a formación teórica e a práctica cun mínimo de dez participantes.
Os interesados en participar xa se poden inscribir chamando á entidade ao número de teléfono 981 102 249.
