O BNG exixe a Renfe permitir a compra anticipada de billetes e con prezos accesíbeis

O BNG exixe a Renfe eliminar as restricións na compra anticipada de billetes entre Galiza e Madrid para garantir prezos accesíbeis e unha planificación adecuada das viaxes.
Nestor Rego
30 Mar 2025

O deputado do BNG no Congreso, Néstor Rego, rexistrou iniciativas para esixir ao Goberno e a Renfe que eliminen as restricións actuais na compra anticipada de billetes entre Galiza e Madrid. O BNG denuncia que estas limitacións impiden ás persoas usuarias planificar as viaxes con antelación e provocan tarifas elevadas, discriminando así aos viaxeiros e viaxeiras galegas fronte a outras comunidades autónomas.

Rego critica que, a pesar das promesas de prezos competitivos coa entrada en servizo dos trens AVRIL, as tarifas seguen sendo moi altas e a dispoñibilidade de billetes limitada. O BNG exixe solucións inmediatas, como eliminar estas restricións e mellorar a plataforma para permitir compras anticipadas, garantindo tarifas accesíbeis.

⚙ Configurar cookies
0.058427095413208