O curso de cultivo de cogomelos chega a Monforte este domingo
![curso cogomelos ateneo monforte portada](https://galiciaxa.com/wp-content/uploads/2021/04/curso-cogomelos-ateneo-monforte-portada.jpg)
Este domingo o Ateneo Casino, en colaboración coa Asociación micolóxica de Monforte, Os Lactouros, acollerá un curso de cultivo de cogomelos comestibles. As persoas asistentes aprenderán a cultivar cogomelos comestibles nun xardín, finca ou mesmo nunha terraza.
O curso, eminentemente práctico, será impartido por Carlos Pérez, quen falará sobre o ciclo dos cogomelos, o seu crecemento e alimentación, as variedades de especies que se poden cultivar e como facelo.
Terá lugar este domingo 2 de maio de 10:00 a 13:00 h. O prezo son 5€ para persoas socias do Ateneo ou de Os Lactouros; de balde para socios de ambas asociacións ou 10€ para quen non sexa socio de ningunha.
Para máis información e inscricións, hai que contactar no teléfono 648 435 033.
![curso cultivo cogomelos ateneo_monfote](https://galiciaxa.com/wp-content/uploads/thumbs/2021/04/curso-cultivo-cogomelos-ateneo_monfote-200x239.jpg)