Actualidade

O PSdeG reafirma en Compostela o seu compromiso cos dereitos das persoas trans e esixe á Xunta medidas concretas para garantir a igualdade real.

Con motivo do Día Internacional da Visibilidade Trans, membros da Executiva galega e de Xuventudes Socialistas participaron na mobilización celebrada en Compostela, onde o PSdeG reafirmou o seu compromiso coa igualdade e os dereitos das persoas trans.

Os socialistas galegos reivindicaron a Lei Trans e a Lei Zerolo, impulsadas polo Goberno de Pedro Sánchez, grazas ás cales preto de 800 persoas modificaron xa o seu sexo rexistral en Galicia. Instan á Xunta a asumir as súas responsabilidades e implementar protocolos específicos que garantan os dereitos das persoas trans en ámbitos como educación, saúde ou vivenda.

Aitor Rodríguez Casanova, secretario de Políticas LGTBI do PSdeG, afirmou que o socialismo "sempre foi motor de avances sociais en España" e garantiu que os socialistas non permitirán "retrocesos nin silencios cómplices".