Actualidade

O PSdeG esixe á Xunta medidas urxentes para evitar o peche da planta de Sargadelos en Cervo e protexer o emprego e o valor cultural da marca.

A viceportavoz segunda do PSdeG no Parlamento, Lara Méndez, anunciou hoxe unha batería de iniciativas para esixir á Xunta medidas urxentes fronte á posible pechadura da planta de Sargadelos en Cervo. Méndez expresou a "profunda preocupación" dos socialistas ante unha situación que, de confirmarse, suporía un golpe duro para o emprego na Mariña e para o futuro dunha marca “que é símbolo de Galicia”.

A secretaria de organización do PSdeG subliñou que Sargadelos non é só unha empresa, senón un proxecto cun enorme valor cultural, histórico e emocional para o país. Por iso, instou á Xunta a actuar con responsabilidade, garantir a continuidade da actividade e preservar os postos de traballo da comarca.