O PSOE de Lugo propón a Carmen López Moreno como candidata á Presidencia da Deputación
O Comité Provincial do PSdeG-PSOE de Lugo decidiu, por aclamación, propoñer á deputada provincial María del Carmen López Moreno como candidata socialista á Presidencia da Deputación de Lugo trala sesión extraordinaria na que abordou a proposta formulada pola Comisión Xestora do partido.
Así, durante o encontro, o comité validou a proposta en conformidade cos estatutos e cos procedementos internos establecidos polo partido. O acordo adoptado será remitido agora á Comisión Nacional de Listas, que emitirá un informe e trasladará á Comisión Federal de Listas para a súa aprobación definitiva, seguindo as normas internas de elaboración e validación de candidaturas do PSOE.
A proposta final será adoptada pola Comisión Executiva Federal e remitida de novo ao PSdeG-PSOE de Lugo para a súa aplicación de cara ao pleno previsto para o 14 de xaneiro de 2026.