O ritmo canario de Efecto Pasillo contaxiará de optimismo ao público do Recorda Fest 2025
O Recorda Fest 2025, que se celebrará os días 5 e 6 de setembro no Peirao de Batería da Coruña, segue engadindo nomes ao seu impresionante cartel. Esta vez, únese ao festival o grupo canario Efecto Pasillo, que promete contaxiar de optimismo e enerxía a todos os asistentes co seu característico ritmo fresco e alegre. Xunto a eles, xa están confirmados artistas como Lori Meyers, Xoel López, Nena Daconte, Ultraligera, Despistádevos, GRISO e Álvaro de Luna.
Efecto Pasillo está formado por Iván Torres (voz), Javi Moreno (batería), Nau Barreto (guitarra) e Arturo Eslamiada (baixo), e a súa música caracteriza-se por un mestura de pop, rock, reggae e funk, que invita ao baile e á boa onda. As súas letras optimistas e o son tan distintivo conseguiron que a banda acumule máis de 400 millóns de visitas en YouTube e máis de 350 millóns de reproducións en plataformas de streaming.
A súa posta en escena enerxética e o carisma dos seus membros fixeron que Efecto Pasillo gañase o cariño do público, non só en España, senón tamén noutros países de fala hispana, participando en xiras internacionais e consolidándose como unha das bandas máis queridas no panorama musical.
O Recorda Fest, que se posiciona como un evento de referencia no panorama musical español, tamén destaca por seu compromiso co medio ambiente. O festival será pioneiro na convalidación da pegada de carbono en festivais en España, grazas á súa colaboración coa start-up galega AIRCO2, cun ambicioso proxecto que busca consolidar o concepto de Festival Net Zero, un festival respetuoso co entorno.